2011 ജൂലൈ മാസത്തിൽ നടന്ന ദേവ പ്രശ്നത്തിൽ ദേവൻെറ ദൃഷ്ടി പഥത്തിൽ പൂർണ്ണ സാന്നിധ്യത്തിൽ നിൽക്കുന്ന ജലാശയത്തിൻെറ ജീർണ്ണത ദേവൻെറ സാന്നിധ്യക്ഷയത്തിന് കാരണമാകുന്നു എന്ന് പരാമർശിക്കയാൽ ക്ഷേത്രക്കുളം നവീകരണം ഉടനെ ആരംഭിച്ചു. ക്ഷേത്രക്കുളത്തിൻെറ പണി പൂർത്തിയാക്കി 2016 ജനുവരിയിൽ ദേവനു സമർപ്പിച്ചു.

കഴിഞ്ഞ കുറച്ചു വർഷങ്ങളായി നാലമ്പലത്തിൻെറ മേൽക്കൂരയുടെ പല ഭാഗത്തും സിമൻറ് അടർന്നു കമ്പി കാണാൻ തുടങ്ങിയിരുന്നു ഇതിന്റെ പ്രതിവിധിക്കായി ശ്രീ പാലോറ ശിവ ക്ഷേത്രത്തിലെ പ്രതിഷ്ഠാദിനത്തിൽ 1191 മിഥുനം അത്തം നാളിൽ 2016 ജൂലൈ 11ന് ക്ഷേത്രം തന്ത്രിയും ഭക്ത ജനങ്ങളും ദേവ സന്നിധിയിൽ ഒത്തു കൂടി തലമുറകൾക്കപ്പുറം നിലനിൽക്കുന്ന വിധത്തിൽ ക്ഷേത്ര നവീകരണ പ്രവർത്തനങ്ങൾ നടത്തുവാൻ തീരുമാനിക്കുകയുണ്ടായി, തുടർന്ന് 1192 ചിങ്ങം 12ന് (2016 ആഗസ്റ്റ് 28ന്) ക്ഷേത്രം തന്ത്രിയും ക്ഷേത്രം വാസ്തുശില്പി ചെറുവള്ളി നാരായണൻ നമ്പൂതിരിയും ചേർന്ന് ക്ഷേത്രസന്നിധിയിൽ വെച്ച് നടത്തിയ പരിചിന്തനത്തിനൊടുവിൽ ക്ഷേത്ര നവീകരണപ്രവർത്തി ശ്രീ കോവിലിൽ നിന്ന് ആരംഭിക്കേണ്ടതാണെന്ന ദൈവഹിതം എല്ലാവരേയും സന്തോഷപൂർവ്വം അറിയിച്ചു അതിനെ തുടർന്ന് ശ്രീ കോവിലിൻെറ പുനർനിർമാണം ആരംഭിച്ചു. തുടർന്ന് 1196 മേട മാസത്തോടെ ശ്രീ കോവിലിൻെറ പുനർനിർമ്മാണം ത്വരിത ഗതിയിൽ നടത്തി, ശേഷിക്കുന്ന ചുററമ്പലമേൽക്കൂരയും അയ്യപ്പൻെറ പാട്ട് പുരയും പുനരുദ്ധാരണം നടത്തേണ്ടതുണ്ട് കൂടാതെ ക്ഷേത്ര സംരക്ഷണത്തിന് ആവശ്യമായ അനുബന്ധ പ്രവർത്തികളും പൂർത്തീകരിക്കേണ്ടതുണ്ട്

ഈ ശക്തി വിശേഷവും, അഭിവൃദ്ധിയും വരും തലമുറയ്ക്ക് കൈമാറേണ്ടതും, നിലനിറുതേണ്ടതു നമ്മുടെ ഉത്തരവാദിത്വമാണെന്നും, ആ വിധത്തിൽ ക്ഷേത്ര നവീകരണ പ്രവർത്തനങ്ങൾ നടത്തുവാൻ എല്ലാവരും പങ്കാളികളാകണമെന്നും, ക്ഷേത്രനവീകരണയജ്ഞം ഈ നാടിൻെറ മൊത്തത്തിലുള്ള ഒരു ഉൽസവമാക്കി മാറ്റി ദേവൻെറ പ്രധാന ഉൽസവം നടത്തുവാൻ പാലോറയപ്പൻ തുണയാകണമെന്ന് ശിവനാമത്താൽ പ്രാർത്ഥിക്കുന്നു.